HABARI

Cardi B atangaza rasmi kujaza fomu za kuomba uraia nchini Nigeria.

Nguli wa muziki wa kufoka nchini Marekani, Cardi B ametangaza rasmi juu ya nia yake ya kutaka kuhamia nchini Nigeria ikiwa vita kati ya Marekani na Iran itaanza.

Kutokana na machafuko yanayoendelea  nchini Iran yakifuatiwa na mauaji ya Meja Jenerali wa taifa hilo Qasem Soleimani katika mji wa Baghdad  nchini Iraq akiwa anatoka uwanja wa ndege

Siku chache baada ya kupumzisha mwili wa kiongozi huyo katika makazi ya milele, Iran ilitangaza hali ya hatari  dhidi ya taifa la Marekani  ambalo ndilo limehusishwa moja kwa moja katika mauaji hayo baada ya kutuma ndege zisizo na rubani na kumshambulia kiongozi huyo pamoja na wasaidizi wake.

Licha ya Iran kutangaza hali ya hatari na kuweka vitisho dhidi ya Marekani bado Rais wa taifa hilo Donald Trump, amesema kupitia ukurasa wake wa twitter kuwa yeye haogopi chochote na endapo Iran wataendelea  kutoa vitisho na kujaribu kushambulia taifa au mali yoyote ya taifa hilo basi hatosita kujibu mapigo hayo kwani taifa la Marekani lina silaha za kijeshi za kutosha tena zenye gharama sana.

Kufuatiwa na kauli aliyoitoa Rais Donald Trump, baadhi ya wasanii wameonyeshwa kukerwa na kauli hiyo na kutangaza kutafuta uraia katika nchi zingine zenye amani na utulivu.

Miongoni mwa wasanii waliotoa kauli ya kutaka kuhama  nchini Marekani ni nguli wa muziki wa kufoka nchini humo mwanadada  Belcalis Marlenis Almanzar, Alimaarufu kama Cardi B ambaye ametangaza kupitia katika ukurasa wake wa Twitter  nia yake ya kutafuta uraia nchini Nigeria.

Screenshot_20200108-182538

Chapisho la Mwanamuziki Cardi B katika ukurasa wake wa twitter.

Pia Cardi B aliweka chapisho lililonuonesha mumewe akiwa katika mavazi ya buluu yenye asili ya Nigeria huku akiahidi kuendelea kuwashawishi  wasanii wenzake,  akiwemo mume wake kutoka katika kundi la Migos  ambaye ni Kiari Kendrell  Cephus, alimaarufu kama Offset kuhamia  nchini Nigeria  pamoja naye.

Screenshot_20200108-182312

Chapisho la mwanamuziki Cardi B katika ukurasa wake wa twitter akimshawishi mumewe kuhama nchini Marekani na kuhamia nchini Nigeria

Hapo awali, kumekuwepo na matukio mengi yanayohusisha wasanii wa marekani kuhitaji kutafuta uraia wa nchi zingine hususani za kiafrika, miongoni mwa wasanii hao akiwemo  mwigizaji mkubwa kutoka Uingereza  Idris Alba,  ambaye mapema mwaka 2019 aliomba na kufanikiwa kupata uraia wa Sierra Leone. Pia muigizaji na mwimbaji wa muziki wa kufoka alimaarufu kama Ludacris naye aliamua kuomba uraia nchini Gabon ili kuwa pmoja na familia yake.

@miramagazinesupdates

Categories: HABARI

4 replies »

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.